Купальскі лівень
RSS FeedДождж у Вязынцы, лівень,
а светлы жа, светлы!
Каснікі намачылі
У сажалцы ветлы.
Ветлы-вербы, язміны,
вяргіні, анюткі
як чакалі такое
празрыстай мінуткі!
Як чакалі рабіны
у гронках няспелых
і дзяўчаты ў сукеначках
белых, ой, белых!..
Прычасаліся вербы,
стаўкі паглыбелі,
і дзяўчаты пад ліўнем,
дальбог, пастрайнелі.
А жанкі ў сарафанах
ад ліўня ўцякалі
і ў траве свае пацеркі
парассыпалі...
Хто там знойдзе ў купалках
жамчужную пацерку!
Пачакае малое
дамоў сваю мацерку...
Ёй сушыць сарафан,
ёй расчэсваць касу
ды Купалу дарыць
маладую красу!
Апошнiя водгукi
4 года 44 недели назад
6 лет 23 недели назад
6 лет 47 недель назад
6 лет 49 недель назад
7 лет 22 недели назад
8 лет 47 недель назад
8 лет 48 недель назад
8 лет 48 недель назад
9 лет 11 недель назад
9 лет 23 недели назад