Мікола Яцкоў

RSS Feed

І не шкадуе чэрвень сонца

Сярэдняя: 3.6 (5 галасоў)

Жонцы

І не шкадуе чэрвень сонца
Поўных жмень,
І зноў пастукаўся ў аконца
Гэты дзень,
І ўсё ляціць па хвалях лёсу
Ветразь твой,
І шамацяць кахання плёсы
За табой…

Бурчыць тамбурынам

Сярэдняя: 4 (5 галасоў)

Бурчыць тамбурынам
счарнелае неба --
ідзе навальніца.
Хвіліна -- і грымне!
Дай, Божа, бо -- трэба
напіцца й пазбыцца
спякоты бясконцай,
і зданяў падманных,
і смагі адвечнай…

А потым хай сонца
прысядзе на ганак
і скажа аб нечым.

ПЕРАД КУПАЛЛЕМ

Сярэдняя: 3.8 (6 галасоў)

Падоўжым той дзень
да купальскай спакусы.
Абдурым гадзіннік.
Пакрыўдзіцца сон.
І некалькі жмень асалоды --
на вусны,
і папараць-кветцы --
апошні паклон.

Усе аўтары