Язэп Пушча
RSS FeedРаніцу шчэбет пільнуе
Раніцу шчэбет пільнуе
Ў лісці жоўта-зялёным.
Туліцца жнівень пад пуняй
З ношкай аўсянай саломы.
Сонца бліскучым пласконнем
Ікры ў тумане губляе.
Ветры, пужлівыя коні,
Рвуцца ў мурожныя далі.
Ў зараслях пудзяцца песні,
Рэчанька льецца, смяецца.
Вёска рыпамі весніц
Цешыць сялянскае сэрца.
Вецер расой ахрысціў
Поплывы ў сіні шырокай.
Песціцца сонца ў трысці,
Ветрась цалуючы ў шчокі..
Раніцу шчэбет пільнуе
Ў лісці жоўта-зялёным.
Туліцца жнівень пад пуняй
З ношкай аўсянай саломы.
Апошнiя водгукi
4 года 14 недель назад
5 лет 45 недель назад
6 лет 17 недель назад
6 лет 19 недель назад
6 лет 44 недели назад
8 лет 17 недель назад
8 лет 18 недель назад
8 лет 18 недель назад
8 лет 33 недели назад
8 лет 45 недель назад