Ірына Хадарэнка

RSS Feed

МУЗЫКА ДАЖДЖУ

Сярэдняя: 5 (1 голас)

Плачуць хмары. Мокнуць клёны.
Летні дождж са мной вальсуе.
З дынамічнасцю шалёнай
На асфальце ён пульсуе.

Forte, semplice, veloce…
Гэты танец – страсці мора.
Што мне дождж цяпер прарочыць:
Мора шчасця альбо гора?

Рытм мелодыі б’е ў скроні,
Як у песні без куплетаў.
Кропля на маёй далоні –
Бы сляза душы паэта.

Сталасць сакральнага свету...

Сярэдняя: 5 (5 галасоў)

Сталасць сакральнага свету
Стоена спальвала словы.
Плакалі мроі-фантаны,
Боль узыходзіў палынам.
Вострым нажом успамінаў
Сэрца мне раніў каханы,
І станавіўся барвовым
Фон за маім сілуэтам.
З келіха даўкага лета
Час выпіў больш за палову.
Розум, тугой узараны,
Трызніў аб цёмнай даліне.
З горкай атруты змяінай
Быў адвячорак сатканы.
Смерць з нараджэннем чарговым
Блыталі думкі паэта…

Усе аўтары