Уладзімер Гардзейка

Ўсё навокал зелянее
Пабялелi толькi нiвы
Нiбы хмаркi ў сiнем небе
Гэта жнiвень, гэта жнiвень

Паглядзi, ўжо рабiна
Чырванее сарамлiва
А ў садах сiнеюць слiвы
Гэта жнiвень, гэта жнiвень

Ў жнiўнi кожны з нас багаты
Сыты нават i лянiвы
Поўны стол у кожнай хаце
Гэта жнiвень, гэта жнiвень

Лета месяц ты апошнi
I зусiм не ганарлiвы
Уздыхнуць спакойна можна
Як стаiць на ганку жнiвень

Халады яшчэ далёка
I таму такi шчаслiвы
Выйду ў поле i галёкну:
Я цябе вітаю, жнiвень!