дождж

RSS Feed

Ізноўку гром на лес, на голы...

Сярэдняя: 4.8 (5 галасоў)

Ізноўку гром на лес, на голы,
I хмурацца сябры мае:
У сэрцы нейкі даўні голас
Сігнал трывожны падае.

Нябёсы грозяць нам патопам,
Грамы раз’юшаныя б’юць.
Галіны прыпяцкіх прытокаў
Сябе ў маланках пазнаюць.

Ды верыцца: не пакалеча
Сады, палі дачасны гром.
А бесклапотная малеча
Шумліва цешыцца дажджом.

Размыты цёплыя дарожкі,
Далёка ў лесе гром асеў.
I асцярожна басаножкі
Дзяўчына босая пясе.

Вось ужо й скончыўся лівень!..

Сярэдняя: 3 (3 галасоў)

Вось ужо й скончыўся лівень!..
А ліст кляновы лісту
перадае ўсё кроплі.

Дождж і мары

Сярэдняя: 5 (1 голас)

Прабіваюць дажджынкі травень,
хмары з сумам павіслі ў небе,
сціхлы вецер у лесе драмае —
толькі дождж дорыць шчасце глебе:
напявае ціхусенька песню,
сцеле водар духмяна-гаркавы...
Для таго, каб пісаліся вершы,
што патрэбна мне?..
Дождж і мары.