СТРЫЖЫ

RSS Feed
Сярэдняя: 4 (2 галасоў)

Каменнепадамі стрыжы...
Быццам з берага-гары
гэта чорныя глыжы
на пагібель машкары.

Піск, віск, енк і нават звон
над Заходняю Дзвіною.
І яшчэ антыцыклон
на жывое йдзе вайною --

ад спякоты не ўцячы.
Ні хмурынкі, ні аблока.
Паглядзіш удалячынь --
там цыклоп залатавокі,

сіні-сіні, зліўся з небам...
Месяц ліпень у бядзе.
Паліваць вадою трэба,
а не то ён прападзе.

Іншыя вершы аўтара