Даволі вам, дзеці...
RSS FeedДаволі вам, дзеці,
Па лагеры бегаць, даволі!
І спаць вам не дам у спакоі.
Апоўначы выведу вас
Я сягоння на поле,
На цёмнае поле начное.
Там позняе лета,
Там соннае жыта
I зорныя ліўні.
Бяздонне сусвету
Бывае такое глыбокае
Толькі у жніўні.
Пра космас прывычна
I бачыць, і чуць вам
Ледзь-ледзь не з пялёнак.
I сон ваш касмічны,
I ў сэрцы —
Гагарын, Клімук, Кавалёнак.
Для кожнага з вас
Над бацькоўскай зямлёю
Шчаслівая зорка згарае.
Цаніце свой час
I гэты сусвет,
Што без дна, без канца і без краю.
Жыццё вас запоўніць
Вучобай, і працай,
I шчырым каханнем,
Бо сэрцы запоўняць
I зоркавы лівень,
I цёплага жыта дыханне.
Апошнiя водгукi
5 лет 41 неделя назад
7 лет 20 недель назад
7 лет 44 недели назад
7 лет 46 недель назад
8 лет 19 недель назад
9 лет 45 недель назад
9 лет 45 недель назад
9 лет 46 недель назад
10 лет 8 недель назад
10 лет 20 недель назад