Маланкі неба пакрамсалі...

RSS Feed
Сярэдняя: 4.8 (4 галасоў)

Маланкі неба пакрамсалі,
Зарніцы ціха адгулі,
I там, дзе воблакі звісалі,
Блакіт, як неба, на зямлі.

Пасля дажджу на луг, на поплаў
Праменняў хлыне вадаспад,
I пад смугой вячэрняй, цёплай
Пяшчотна млее далягляд.

Палеткі дыхаюць, як дзеці.
I я шчасліва ім-кажу:
— Спачніце. Заўтра на дасвецці
Я вас абдымкам разбуджу.

Іншыя вершы аўтара